¡Esta es una revisión vieja del documento!
Tabla de Contenidos
<fc #6495ed>Dos Datos aos Relatos</fc> / <fc #6495ed>Os datos</fc>
Cada cidade ten os seus heroes, os seus mitos e as súas crenzas
Contextualización para o punto de partida
As orixes
✔ Cidade que naceu ao redor dun Faro, o único de construción romana que aínda segue en funcionamento na actualidade
✔ Unha península… case unha illa.
✔ Cidade periférica e terminal (preto do Finisterrae dos romanos) cuxa actividade comercial articulouse en torno ao mar
- Cidade militarizada: O mar como porta de acceso, o que implicou a construción de numerosas fortificaciones defensivas en puntos estrátegicos que quedaron para uso militar e, por tanto, pechadas á cidadanía ⇒ unha cidade de servizos para o exército.
- Porto da emigración: A cidade “especializouse” en servizos en torno ao transporte de persoas e ao tráfico de remesas de diñeiro que enviaban os emigrantes.
- Rutas comerciais: Primeiro cos terreos do imperio (cando se abriu a veda do porto de Cádiz) e logo coas viaxes da emigración. As principais iniciativas empresariais da cidade articuláronse ao redor da actividade comercial coas antigas colonias que máis tarde se converteron en países desdino das ondas da emigración.
- Pesca: “O porto era unha mina”… E converteuse no eixo principal de “a economía cidadá”.
✔ Coruña era unha cidade que vivía apaciblemente…
E en 1964...
O 22 de xaneiro atraca o primeiro petroleiro con subministracións para a Refinería e cinco días máis tarde, o 27 de xaneiro, arde a estación do Norte.
Se, acórdome que viñeron os bombeiros da refineria,e como novidade ere a primeira vez que vin a escuma para sufocar o incendio,o meu pai traballaba no economato, que estaba nos baixos que ven (Pichi Jose Castro Fernandez)
A Refinería foi a primeira inversión foránea en A Coruña: De Petroliber a REPSOL, unha historia propia
- En maio de 1961 o Ministerio de Industria autorizara ás compañías Marathon Oil Company e Compañía Ibérica de Petróleos, S.A. (PETROLIBER), a constituír unha sociedade anónima para construír e explotar unha refinería de petróleos no Norte de España. En 1962, o Goberno decide a instalación da Refinería na Coruña.
- Xaneiro de 1964 Atraca o primeiro petroleiro para a Refinería
Ocorreu o 22 de xaneiro de 1964, á primeira hora da mañá, cando o petroleiro Valmaseda atracaba no pantalán de San Diego, aínda en obras, e comezaba a primeira descarga de crus para a refinería coruñesa
- O 11 de setiembro de 1964 inaugurouse oficialmente a Refinería en A Coruña.
A partir de aí, TODO virará en torno ao peirao petroleiro e un tipo de tráficos que expulsa á pesca. Doutra banda, nas negociacións para entrar no CEE, a pesca foi utilizada como moeda de cambio e Galicia pasou de ter a maior frota pesqueira de Europa (con todo o que implicaba como tractora dunha importante cadea de actividades empresariais) á súa desmantelación.
Con todo, durante décadas seguiu pervivindo a idea do porto como xerador de riqueza e a cidadanía, enfrascada nas batallas do día a día, foise quedando “illada” dos xogos e tensións, estatais e internacionais, do poder político e económico.